Presidenti i Serbisë, Aleksander Vuçiç, është kthyer nga Mynihu në Beograd ku ka takuar krerë të kishës ortodokse serbe. Në një konferencë para gazetarëve kreu, Vuçiç ka folur edhe për taksën 100 % që ishte vendosur gjatë kohës kur Ramush Haradinaj drejtonte qeverinë e Kosovës.
Siç pretendon Vuçiç, në Gjermani gjatë vizitës së fundit e ka kuptuar që Ramush Haradinajt për të mbajtur vendimin për taksën i kanë qëndruar edhe disa shtete të tjera mbrapa, pa zbuluar emre, ndërsa ka theksuar se për një gjë të tillë do të flasë në të ardhmen.
“Dje, për herë të parë kuptova përfundimisht që Ramush Haradinaj nuk ishte i vetëm kur e vendosi taksën ndaj Serbisë”, ka thënë Vuçiç duke shtuar se prapa një vendimi të tillë qëndronte edhe një pjesë e komunitetit ndërkombëtar, raportojnë mediat kosovare.
“Do të flas për këtë gjë më vonë”, ka shtuar më tej kreu i shtetit serb.
