Pak ditë më parë, emri i këngëtarit Flori Mumajesi u lakua gjatë në media për shkak të djegies të makinës së tij, në ambientet e studios muzikore “Thredoots”. U publikua video që fliste për një zjarrvënie të qëllimshme, por ende nuk dihet se kush është autori i kësaj zjarrvënie dhe kush qëndron pas tij.
U fol dhe për dyshimet se mbrapa djegies së makinës 50 mijë euro mund të ishin vëllezërit korçarë Stefi ose Stine, me të cilin Flori është përfshirë në një konflikt fizik në të kaluarën. Së fundmi, flitet se kjo ngjarje ndodhi pak kohë pas ndarjes së tij nga këngëtarja Elvana Gjata.
Policia është duke hetuar edhe lidhjen me tekstin e këngës “Nallane 2” dhe prishjen e ortakërisë së biznesit të njohur jashtë muzikës, referuar shkrimit në gazetën “Panorama”. Kënga “Nallane 2” i kushtohet sërish një femre, të ciliës Flori Mumajesi i shprehet ndër të tjera se nuk është e lehtë kur të hedhin poshtë. Shkruhet se marrëdhënia e komplikuar mes dy këngëtarëve, Flori Mumajesit dhe Elvana Gjatës mori fund pas publikimit të klipit “Lejla”, e realizuar si produksion në një studio muzikore në SHBA.
“Në darkën pivate të stilistit nga Kosova, Valdrin Sahiti, mungoi Flori, ndërkohë që Elvana ishte përfaqësuese e filialit të dyqanit të veshjeve “Altar” në Tiranë. Gjatë darkës ku do të prezantohej koleksioni më i ri, Elvana jo vetëm që nuk ia përmendi emrin Flori Mumajesit, por e cilësoi një ish-bashkëpunëtor që do të thotë se tashmë ata nuk janë më si dikur.”, shkruan më tej gazeta që rendit bizneset e përbashkëta të dy këngëtarëve. (XH.A/SHUPLAKA)
Discussion about this post