Partia Demokratike do të mbledh sot kryesinë për djegien e mandateve në orën 18:00, ndërsa ditën e nesërme do të mblidhet Këshilli Kombëtar i PD-së në orën 17:00.
Ndërkohë gjatë paradites së sotme, kreu i PD-së, Lulzim Basha zhvilloi një takim më kreun e Këshillit Kombëtar, Bujar Nishani.
Për marrjen e vendimeve përfundimtare në Këshillin Kombëtar është ngritur një grup pune që njohin mirë ligjin dhe zgjedhjet, ku janë propozuar Gaz Bardhi, Oerd Bylykbashi, Enkelejd Alibeaj, Çlirim Gjata dhe Ivi Kaso.
Gjatë ditës së sotme Basha deklaroi se nuk ka kthim mbrapa për djegien e mandateve dhe tha se nuk do të ketë parlament fasadë. Ai kërkoi që të krijohet qeveria tranzitore që të hetohet kryeministri Rama dhe të arrestohet Vangjush Dako.
Ditën e djeshme, Lulzim Basha tha se do të djegi mandatet se bashku me aleatët e tij, ku pas 1 ore u bashkua edhe Lëvizja Socialiste për Integrim (LSI).
Kujtojmë që Partia Demokratike do të zhvillojë një tjetër protestë ditën e enjte përpara parlamentit.
Discussion about this post