Ka një bum fëmijësh në spitalin e Arizonës dhe nuk vjen nga reparti i lindjes.
Gjashtëmbëdhjetë infermierë që punojnë në njësinë e kujdesit intensiv të Qendrës Mjekësore Desert Banner në Mesa janë shtatzënë.
“Unë e dija që mund të isha shtatzënë se po e prisja një gjë të tillë dhe ndaj bëra analizat në spitalin ku punoj si infermiere”, tha infermierja Paige Packard në një konferencë shtypi të premten.
“Kjo është mënyra se si përfundova të zbuloja se të gjitha infermieret e tjera, koleget e mia ishin shtatzënë gjithashtu. Mbeta e shtangur dhe thjesht thashë: “Oh, mirë, nuk e kisha planifikuar këtë. A kemi ndonjë lloj pakti që nuk po e njihja, mos ndoshta na e ka bërë uji meqë atë e pimë të njëjtë?’”- tha me shaka Packard.
Nuk kishte asnjë pakt në fakt. Shtatzënitë e 16 infermiereve janë vetëm një koincidencë e lumtur. Ato thanë se të gjithë duan të shkojnë së bashku në kafene për të kënaqur dëshirat e shtatzënisë tashmë që janë bashkë në punë dhe njëkohësisht shtatzëna.
Njëri prej tyre tha se i kërkoi një punonjësi të kafeterisë nëse ai mund ta bënte barin e sallatës më “miqësor ndaj shtatzënisë” dhe i sugjeroi mensës të shtonte turshi dhe ullinj. “Ditën tjetër ka pasur turshi dhe ullinj”, tha infermierja dhe të gjithë po na respektojnë shumë.
Infermieret gjithashtu thanë se pacientët kanë filluar të vënë re barkun e secilës në rritje në spital. Një zyrtar i Banner tha se spitali ka planifikuar për mungesën e infermierëve në detyrë për muaj të tërë.
“16 infermieret janë nga tre njësi të ndryshme të kujdesit kritik kështu që do bëjmë si do të bëjmë”, tha Heather Francis, drejtor i infermierisë për njësi të ndryshme ICU në Banner.
Spitali i dha çdo infermiere shtatzënë një rrogë të veçantë për të festuar rastin dhe një shpërblim tjetër për koincidencën e cila nisi menjëherë të bëhet rast studimor për disa studentë.
https://www.youtube.com/watch?v=zgEFL93CYaI
Discussion about this post