Presidenti i Kosovës, Hashim Thaçi dhe lideri i Lëvizjes Vetëvendosje, Albin Kurti kanë thënë qendrimet e tyre mbi korrigjimin e kufijve të Kosovës me Serbinë, ditën e sotme gjatë një konference të organizuar nga Instituti Kërkimor për Çështje Evropiane dhe të Zhvillimit (RIDEA).
Presidenti i Kosovës ka thënë se nuk ka dyshim që nëse këtë vit nuk ka marrëveshje, hyjmë në zonë të rrezikshme dhe destabilizojmë rajonin.
“Nuk ka dyshim që nëse këtë vit nuk bëjmë marrëveshje, hyjmë në zonë të rrezikshme dhe destabilizojmë rajonin. Ne nuk mund të kemi garanci më të madhe se zotimi dhe fjalët e SHBA-së”, është shprehur presidenti Thaçi.
Nga ana tjetër kryetari i Lëvizjes Vetëvendosje, Albin Kurti është shprehur se asnjë nuk ka të drejtë të falin tokën e Kosovës.
“A e dini pse qytetarët nuk duan status-quo, sepse e kanë mendjen tek papunësia, varfëria. Brezi i sotëm është mjaft i pasigurt. Kundërshtimi i status- quos është me shumë kundërshtim socio-ekonomik. As dëshmorët nga varret nuk kanë të drejtë të falin tokë të Kosovës e lëre më njerëzit e gjallë”, ka thënë Kurti.
