Në vijim të konferencës për shtyp, në përgjigje të pyetjeve për gazetarët, Luan Rama hodhi poshtë të gjitha pretendimet e Edi Ramës për kushtëzim vote. Ai u shpreh se Rama ka kërkuar koalicion me LSI-në, ndërkohë që sot flet për çështje shushunjash.
Sipas tij, shkak i mosarritjes së koalicionit për 4 vitet e ardhshme ishte mungesa e një bilanci, ballafiqimi politik, ftesë së cilës PS nuk iu përgjigj. Ai vuri në dukje se LSI është ende e gatshme për një ballafaqim, për të vënë “gishtin tek plaga”.
I pyetur lidhur me deklaratat e Ramës se nuk do të vazhdojë të jetë kryeministër në kushtet e kësaj marrëveshje, Luan Rama u shpreh se në këtë rast kreu i Rilindjes do i bënte një nder Shqipërisë.
“Rama nuk është për reforma por për “ramaforma”. Në asnjë rast nuk e kemi kushtëzuar votën në parlament, nuk ka asnjë rast të jetë kushtëzuar vota e LSI-së me ndarje drejtorish.
Të gjithë e dini që ka 6 muaj ndoshta më shumë që vetë kreu i PS-së ka kërkuar koalicion me LSI-në. Nëse ishte çështje shushunjash atëherë pse e kërkoi koalicionin edhe për 4 vitet e ardhshme. Pas natës që kaloi me Lul Bashën, për të na thënë sot për shushunjat. Mashtrim, falsifitet dhe hipokrizi! Edhe në kohën kur kërkonte për ribërjen e koalicionit i kemi thënë që ka nevojë për një bilanc, e për të bërë një analizë, në funksion të kësaj analize… çfarë nuk është bërë mirë, çfarë është bërë, atëherë do ishim të hapur për koalicion. Nuk kanë ardhur me gjithë ftesën tonë për të bërë një bilanc. Vasili e ka ftuar Ramën për ballafaqim publik transparent dhe qytetar për të vënë gishtin mbi plagët. Ju nuk besoj se keni dëgjuar ndonjë përgjigje pozitive për ta bërë këtë ballafaqim, megjithatë kur të dojë kryetari i Rilindjes të vijë e t’u tregojmë qytetarëve ku janë shushunjat.
E gjitha është spekulim, nuk ka pasur rast kushtëzimi me ndonjë drejtori. Nuk është konceptuar kjo gjë si futja në pjesë në tepsi. Mqs kryetari i Rilindjes thotë se nuk do vazhdojë më të jetë kryeministër në kushtet e kësaj marrëveshje, do i bëjë një nder të madh Shqipëerisë dhe ne do ta ndihmojmë të mos jetë më kryeministër.”, u shpreh ndër të tjera Luan Rama.
(XH.A/SHUPLAKA)
