Kush do e fitojë garën mes qeverisë Rama dhe Metës? Kjo është një nga pyetjet e drejtpërdrejta që iu bë Taulant Ballës nga ana e gazetarëve, të cilës iu përgjigj prerë që humbës do të dilte Meta.
Balla e argumentoi qëndrimin e tij me faktin se Kuvendi zgjedh presidentin dhe jo e kundërta, dhe se Meta sheh sipas tij ëndrra me sy hapur, teksa citon në media mundësinë e shpërndarjes së Parlamentit.
“Unë di, shqiptarët dinë, që në Republikën e Shqipërisë Presidenti zgjidhet nga Parlamenti, Parlamenti nuk zgjidhet nga presidenti por nga populli. Kuvendi e ka të drejtën që të shkarkojë presidentin pas një procesi rigoroz hetimor. Presidenti i Republikës së Shqipërisë sheh ëndra me sy hapur për shpërndarje”.
Në konferencën e dhënë sot përpara gazetarëve, Balla njoftoi shtyrjen e hetimit të Komisionit Hetimor për shkarkimin e Metës, dhe shtimin si pjesë e hetimevem, dhe vendimin e presidentit për të dekretuar në Gjykatën Kushtetuese Marsida Xhaferllarin.
“Marsida Xhaferllari nuk mund të jetë anëtare e Gjykatës Kushtetuese, nuk ka qenë në asnjë nga listat e KED-së”, do të shprehej Balla, teksa u pyet nëse qeveria do ti njihte vendimet e Gjykatës Kushtetuese që mbanin dhe votën e Xhaferllarit.
(E.K/Faxweb.al)
Discussion about this post