“Do hipim në kullën e ndriçimit dhe do të hidhemi”, grevistët në Poçem ende pa një zgjidhje: Nuk na kanë kaluar pagat

Punonjësit e nënstacionit të Poçemit në Ballsh, të cilët tashmë prej ditësh janë futur në grevë urie kanë deklaruar se do të përshkallëzojnë protestën e tyre.

Grevistët janë irrituar pasi askujt nuk i ka kaluar paga, sikundër është bërë me punonjësit e Uzinës së Ballshit. Grevistët kanë penguar punonjësit e OSHEE-së duke ndërhyrë dhe duke u mbyllur derën që të mos futet njeri.Është stakuar fideri i energjisë dhe 14 fshtarta kanë mbetur pa energji elektrike.

“Do të sakrifikohemi këtu në vendin e punës”– janë shprehur ato.

Ato kanë kërcënuar se do të hipin në kullën e ndriçimit dhe do të hidhen që andej. Punëtorët duan zgjidhje në bazë të premtimit të dhënë, 7 paga të plota dhe 27 të prapambetura dhe nënshkrim të kontratës nga 1 Marsi.

Gjatë kohës që po zhvillohej intervista ka ndodhur një defekt. U stakua i gjithë nënatacioni duke lënë pa energji një pjesë të mirë të gjithë Mallakastrës dhe pa ujë të gjithë qytetin dhe njesitë administrative.