Kryeministri Rama i pyetur në Top Story nëse do të bëjë dicka tjetër tashmë që të mund të bindë opozitën që të hyjë në zgjedhjet e 18 qershorit, Rama u shpreh se nuk ka mbetur asgjë.
“Asgjë, Partia Demokratike ka kryetarin, liderin historik, ta mendojnë, ta vendosin, në datë 29 ora 12 e natës mbaron kjo histori pa fund. Secili mban përgjegjësitë e veta përpara historisë. Fillon bëhet me 18 qershor. Për këtë arsye duhet të votojnë se duhet të marrim hak për 27 vjet shkatërrime.
Sokol Balla: Po shkojmë drejt një skenari për zgjedhjet pa pjesëmarrjen e PD-së. Çfarë realisht do të ndodhë me koalicionin?
Edi Rama: Nuk vlen më sepse jemi regjistruar veç e veç por aksi PS-LSI është një aks strategjik, një vizion dhe program reformash. LSI edhe për shkak të presidentit të ri, edhe për një periudhë kohe ishte opozita e qeverisë. Ne kemi Saliun tonë, i cili është Ben Blushi një Sali me ndryshimin që Saliu ka lexuar shumë po s’mban mend asgjë ndërsa ky mban mend librat që ka shkruar vetë. Nga pikëpamja e qasjes s’mund të thuash që është opozitë e sajuar.
Sigurisht që mungesa e PD-së është një problem i madh për PD-në. Është liria që prodhon opozitën dhe nuk e prodhon PD, lirinë.
Sokol Balla: Në 18 qershor nuk ka kuptim t’ju bëj pyetjen a do i fitoni zgjedhjet?
Edi Rama: Nuk do kishte kuptim edhe po të ishte PD. Fituesi ishte i parashkruar duke pasur parasysh të gjitha anketimet. Lërë ça thonë këta kanabisi.
Pengesa e PD-së është lidershipi i PD-së, nuk është lidershipi i PS-së, aq më pak Ilir Meta dhe aq më pak ambasadorët dhe miqtë e Shqipërisë që kanë dashur ta fusin lidershipin e PD-së në rrugën e arsyes. Patjetër ky vend nuk mbetet pa opozitë as në parlamentin e ri. Opozitë si kjo që ne patëm mos e pastë askush nga pikëpamja e cilësisë.
Sokol Balla: Nuk dukeni i shqetësuar për mospjesëmarrjen e opozitës.
Edi Rama: Do isha i shqetësuar nëse Lulzim Bashën nuk do kisha marrë 25 herë jo personalisht por nga zyra ime në telefon, hajde flasim jo personalisht edhe për qeveri teknike. Do isha i shqetësuar nëse do kisha vënë kufij. (M.D/ Shuplaka)
