Ditën e djeshme u mbajt një konferencë për perspektivën evropiane të Shqipërisë e Maqedonisë së Veriut në Bundestagun gjerman në Berlin ku vendi ynë përfaqësohej nga këshilltarja e Kryeministrit, Odeta Barbullushi, ish-ministre e Jashtme.
Zonja Barbullushi është përballur me një moment pak të sikletshëm gjatë seancës kur një nga të pranishmit shprehu shqetësim për emërimet në administratë, dhe e personalizoi debatin me ish- ministren shqiptare duke e pyetur nëse do ishte në atë sallë në rast se nuk do kishte lidhje familjare me ish-ministrin e jashtëm.
“Kjo është e paligjshme dhe korruptive”, tha ai duke aluduar për nepotizëm.
Zonja Barbullushi nuk ju përgjigj asaj pyetje por e shmangu dhe shpjegoi reformën zgjedhore në proces ndërkohë.
Duke u nisur nga rezervat e mëdha për aktivitetin në Holandë të narkotrafikantëve nga Shqipëria Hans-Joachim Falenski, këshilltar i grupit parlamentar CDU/CSU theksoi se deputetët e CDU po punojnë me kolegët e tyre holandezë që ata të mos vënë veto për hapjen e negociatave me Shqipërinë.
“Ne sugjerojmë që kolegët holandezë të mos votojnë kundra negociatave por, sipas shembullit të Bundestagut, të vendosin po të duan një kusht të dhjetë apo të njëmbëdhjetë”, tha ai.
“Për grupin parlamentar CDU/CSU është e papranueshme që të mos hetohet vepra penale e votëblerjes për të cilën eshtë shprehur qartësisht Bundestagu; dosja por hidhet si në patate e nxehtë nga zyrat e prokurorisë sa në Dibër e në Tiranë megjithëse përgjegjës për të eshtë qartazi SPAK-u” -tha Falenski.
https://www.facebook.com/suedosteuropagesellschaft/videos/206380237271862/?t=0
Discussion about this post