Kryeministri Edi Rama në konferencën e fundvitit me gazetarët u ndal edhe tek teknologjia, që sipas tij është arma e fortë për të thelluar proceset.
Sipas kryeministrit Edi Rama, procesi i integrimit në BE në aspektin legjislativ dhe prokurimet publike do të behën me inteligjencë artificiale.
Po ashtu, kreu i qeverisë Edi Rama tha se ‘objektivi i vendosur nga Qeveria për pagën mesatare ishte 900 euro është tejkaluar në 968 euro’.
“Aktualisht që flasim jemi në kushtet kur me Inteligjencën Artificiale ne po punojmë për transferimin e gjithë trupit ligjor të BE në trupin ligjor të Shqipërisë, që do të thotë kryerje e gjithë procesit të integrimit në aspektin legjislativ, për të cilat vendet e tjera
Ne këtë kohë e bëjmë 90% me inteligjencë artificiale. Jemi në fazën që po përgatisim modelin e prokurimeve me inteligjencë artificiale. Edhe për këtë do jemi avangardë. Të vendosim teknologjinë si një armë për të përmirësuar proceset më të thella sesa dhënia e shërbimeve që tani e kemi bëre.
Hapin e parë që hodhëm me krijimin e një institucioni të ri të prokurimeve të një operatori që bën prokurimet për të gjitha ministritë dhe institucionet qendrore, sepse lajmi nuk ka dalë sic duhet të dilte. Nuk bëhen me tendera në ministri dhe operatori që është krijuar këtë vit dhe që është futur në funksion do të marrë volumin e prokurimeve dhe do të shpëtojmë me të gjitha lojërat që bëjnë. Sepse nuk do jetë me objektivisht e mundur që të bëhen copë njerëz për të tundur letra që për shumë kënd janë arabisht jo shqip, në kuptimin e procedurave”, tha Rama.
Rama duke vënë theksin tek digitalizimi i Kadastrës: “Tumori i Shqipërisë ka qenë korrupsioni endemik në çdo hap për çdo gjë, çdo dokument. Sot panorama është tjetër. Ka mbetur vetëm një gur i fundit i këtij mozaiku për ta mbyllur periudhën otomane të transaksioneve të qytetarit me shtetin, që është përfundimi i projektit të futjes së kadastrës në këtë sistem të teknologjisë. Kemi angazhuar fonde të veçanta, sepse është punë komplekse dhe kërkon shumë njerëz që të vihen në dispozicion”.
