Ministri i Rindërtimit, Arben Ahmetaj në një konferencë të dhënë nga kryeministria ka folur për procesin e Rindërtimit, për të cilin tha se ka hyrë në një fazë të re. Ahmetaj tha se janë lëvruar fondet e para për ndërtimin e 3400 shtëpive private.
“Sot kemi kaluar vendimin për fondin limit, 8.7 miliardë lekë për Rindërtimin, 3400 shtëpi do ndërtohen. Fondi Shqiptar i Zhvillimit do ketë fond për shpenzime kapitale, 2500 shtëpi që do ndërtohen nga FSHZH.
Për bashkinë e Tiranës 2.2 miliardë lekë, 889 shtëpi individuale. Javën që vjen shpallet gara për 3400 shtëpitë.
Do informoj ambasadat shoqatat e biznesit për fillimin e prokurimit. Në terren bashkitë kanë filluar vlerësimin e dosjeve individuale të dala nga platforma e aplikimit. Banesat individuale do ndërtohen sipas modeleve të prezantuara, rezistent ndaj tërmeteve deri në 9 ballë, stuhive.
4000 familje ne 31 dhjetor do e presin vitin e ri në shtëpitë e reja. Shtëpitë janë si rrallë kund falas”, tha ministri.
3400 banesat që do të rindërtohen nga fondi i Buxhetit të Shtetit:
683 banesa- 1+1
972 banesa – 2+1
845 banesa- 3+1
889 banesat që do të rindërtohen në Tiranë
312 banesa- 1+1
334 banesa- 2+1
243 banesa- 3+1″
(E.K.Faxweb.al)
Discussion about this post