”Do ju vij të gjithëve!”, Erion Braçe bën për ujë të ftohtë drejtuesit e Durrësit: Do ju shkrij!

Zëvendës Kryeministri, Erjon Braçe e ka thirrur ditën e sotme që në 8:00 të mëngjesit dhe u ka bërë një ‘dush të ftohtë’ drejtuesve mbi objektivat mujore të arritura.

Braçe, i është drejtuar fillimisht, kryeinspektorit e Inspektoriatit të Punës në Durrës, Arben Seferi duke i pohuar se në një kontroll ‘blic’ të disa ditëve më parë, në zyrën e punës në Durrës nuk ka gjetur askënd në krye të deyrës.

“Dua ta nis me ju z.Kryeinspektor i inspektoriatit! Më dt.5 mars ora 8:10 isha në zyren e inspektoriatit të punës në Durrës per inspektim, aty gjeta vetëm një grua në tavolinën e punës. 8 punonjësit e tjerë përfshirë drejtuesin mungonin, ishin në kafe me siguri, i prita 10 minuta asnji nuk erdhi”, ka thënë Braçe në mbledhje, sipas burimeve të newsbomb.al.

Zv.kryeministri ka pohuar se Inspektoriati i Punës në Durrës do shkrihet i gjithi.

“Jo pa qëllim këtë takim e thërrita në orën 8:00 në Kryeministri zotëri! Orari zyrtar për të gjithë punonjësit e këtij shteti nis në orën 8:00. Kryeinspektor! Ajo zyrë do shkrihet e gjitha! Do bëhet nga e para, brenda Marsit, mbledhjen tjetër nuk dua justifikime! Ata punonjës që rrinë në kafe leri të prehen në kafe! Nuk i duam! Qartë?!” është shprehur në mënyrë ultimative Braçe në mbledhje.

“Shërbimi kombëtar i punësimit ka raportuar 1900 ndërmjetësime punësimi të konkretizuara me punësim. Ama Librazhdi 68%, Tirana 80%, Saranda 85% pse? Objektivat dhe targetet vetë i keni vendosur, rregullojeni brenda Marsit ndryshe jeni te shkarkuar të tre zyrat që s’keni kapur objektivin. Sepse ironia e fatit shkëlqen.

Pogradeci dhe Kukësi që kanë më pak potencial dhe arrijnë 200% Pse? Ka planifikim dhe organizim atje. Bëhuni dhe ju si ata zotërinj ndryshe hapni rrugen! Kemi njerëz që duan ta çojnë para këtë vend, kemi dhe njerqz që duan të rrinë në kafene. Zgjidhni ku doni të rrini”!

Më tej, Braçe u ka kërkuar inspektorëve të shkojnë në miniera, në biznese e ti inspektojnë e formalizojnë me qëllim që kjo situatë të ndryshojë.

“Inspektoriatet e Punës keni formalizuar 105 persona dhe 53% të inspektimeve në biznese të vogla me risk të ulët thotë raportimi juaj, po pse shumica tek keta të mjeret e vetëpunesuar? Dua që të shkoni në Miniera, në bizneset e mëdha ato inspektojini dhe formalizojini! Dua që kjo situatë të ndryshoje!”.

Në fund, zv.kryeministri i ka paralajmëruar se do shkojë t’i kontrollojë të gjithë personalisht.

“Dhe për ta mbyllur! Do ju vizitoj të gjithëve! Një nga një! Në 61 bashki, i vetëm me shoferin tim! Respektoni orarin zyrtar ose…e dini vetë”!