Pas përfundimit të seancës së sotme plenare, ku kreu i Qeverisë nuk e mori fjalën në foltoren e Kuvendit, ka dhënë një deklaratë për shtyp lidhur me zhvillimet më të fundit poltiike në vend, nga dialogu i munguar me opozitën deri tek zgjedhja e Presidentit të ri të Shqipërisë.
Ai theksoi se përkrah nismën e Presidentit për t’u ulur në një tryezë dialogu pa kushte.
I pyetur nga një prej gazetareve nëse do të ishte i gatshëm të mbyllej brenda një dhome me kreun e PD-së, Lulzim Basha dhe kreun e LSI-së, Ilir Meta, deri në arritjen e dialogut, deri sa “të dilte tymi i bardhë”, kryeministri me nota humori u shpreh se në këtë rast do të duhej që dhoma të kishte oxhak.
“Ne e kemi përkrahur nismën e Presidentit të Republikës për dialog pa asnjë ngurrim duke nënvizuar se jemi të gatshëm të ulemi në tryezën e dialogut pa kushte. Siç ndodhi, përsëri ka një vonese që shpresoj të mos jetë vonesa që çon në dështim. Është e rëndësihme që të gjithë ta kuptojnë se dialogu është preferenca e parë.
Koha nuk pret, kryetari i opozitës të mos ketë frikë nga dialogu, nga tryeza, nga këmbimi i opinioneve që mund të sjellin progres. Shqetësimi im është se jemi në një situatë ku po rritet në mënyrë shumë të ndjeshme vëmendja e partnerëve ndërkombëtarë. Dikush pret që ne të kryejmë zgjedhje të lira e të ndershme sipas Kushtetutës.
A do të mbylleshit në një dhomë me Bashën e Metën, të tre, deri sa të dilte tymi i bardhë?
I bie që dhoma të jetë me oxhak, nuk mund ta vëj këtë kusht. I gatshëm të shkoj në çdo godinë dhe në çdo vend që kryetari i PD të jetë në komoditetin e tij për të zhvilluar dialog.”, u shpreh kryeministri Rama.
(XH.A/SHUPLAKA)
Discussion about this post