Sulmuesi i Brazilit, Neymar është tallur me Serbinë. Teksa ka folur në emisionin “Copa 90”, sulmuesi i PSG-së ka shigjetuar futbollistët e Serbisë pasi do të përballen me ta.
I pyetur nëse e ka analizuar lojën e Serbisë, Neymar nuk është treguar aspak serioz, ndërsa autori i emisionit ka insistuar, duke e pyetur nëse ka dëgjuar për sulmuesin e Fulhamit, Aleksandar Mitrovic, Neymar është përgjigjur shkurt: “Jo”.
Më pas, autori i është drejtuar: “Ne do t’i tregojmë atij, ruaju, sepse do të shiheni”, por as kjo nuk ka bërë përshtypje brazilianit.
