Është kallëzuar penalisht në Prokurorinë e Tiranës, kryetari i Bashkisë së Kamzës, Xhelal Mziu.
Kallëzimi është bërë për kanosjet e Mziut ndaj banorëve të Kamzës, se do t’u prishte shtëpitë nëse do të mbanin në to flamuj të PS ose LSI-së.
Videoja me thirrjet e tij gjatë një eventi elektoral u regjistrua dhe u publikua një ditë më parë nga kryeministri Rama në profilin e tij në Facebook.
Njoftimi:
Më datë 19.06.2017, u referuan materialet në Prokurorinë e Rrethit Gjyqësor Tiranë, për shtetasin Xh. M., 50 vjeç, banues në Kamëz, sepse në njw portali informativ, ka kanosur se do i’u prishë shtëpitë, e të gjithë banorëve në Kamëz të cilët mbajnë flamur të partive politike “PS” dhe “LSI”, nëse nuk i heqin ata brenda ditës. Punohet për dokumentimin e plotë të ngjarjes. Parashikuar nga Neni 329 i Kodit Penal.
(E.K/SHUPLAKA)
