Kryeministri Edi Rama ka nxituar ta bëjë ligjin e importit të plehrave, pjesë e axhendës së Parlamentit, që në seancat e para. Në programin e punimeve të Kuvendit për periudhën 18 shtator-13 tetor 2017, është përfshirë edhe shqyrtimi i dekretit të Presidentit Nishani, që refuzonte dekretimin e amendamenteve që qeveria Rama i bëri ligjit të mbetjeve.
Pavarësisht shumë kontestimeve, projektigji për importin e plehrave pritet të kalojë në Parlament. Tanimë nuk do të kalojë më për dekretim te Presidenti Meta, duke qenë se ish-presidenti Nishani e ka kthyer njëherë projektligjin mbrapsh në Parlament më 14 tetor të 2016-ës.
Mirëpo, përpara se të vinte në pushtet, në vitin 2011-të, kryeministri Edi Rama është shprehur kundër ligjit për importin e mbetjeve.
“Të thuash dua plehra nga jashtë është tradhëtia më e madhe kombëtare në kushtet kur vendi ka 1 milionë ton plehra rrugëve”, është shprehur Rama në 3 nëntor të 2011-ës, duke kundërshtuar fort një projektligj që qeveria Berisha po diskutonte për ta miratuar.
Mirëpo sapo erdhi në pushtet, Rama u tundua vetë të pranonte importin e plehrave duke rënë ndesh me fjalët e tija. Ligji i ndryshuar për importin e mbetjeve u miratua në Kuvend më 22 shtator 2016.
Pas këtij vendimi, AKIP u ngrit në protesta përpara Kuvendit për të kundërshtuar importin e plehrave.
Megjithatë presidenti Nishani që ishte në detyrë në atë kohë, nuk pranoi ta dekretonte ligjin.
Kështu, me një kthim pas nga presidenti i Republikës, mjafton vetëm miratimi i deputetëve në Kuvend dhe ligji miratohet. Për këtë duhen 71 vota dhe Rama me deputetët socialist që ka në Parlament, mund të sigurojë edhe më tepër se kaq. (D.D/Shuplaka)
Më poshtë programi i punës 18 shtator-13 tetor:
[ngg_images source=”galleries” container_ids=”2801″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post