“Do ta shikojmë në zgjedhje!”, Fidel Ylli merr në mbrojtje Rexhep Rrajën: Babain e tij e njeh e gjithë zona

Deputeti i Partisë Socialiste, Fidel Ylli, i ftuar në studion e televizionit Fax Neës, ndrësa ka komentuar ngjarjet e fundit në vend, është ndalur edhe tek rasti “Xhisiela”. Sipas tij çështja është e mbyllur, pasi vajza e ka pranuar se gjithçka e ka bërë për shkak të xhelozisë së saj.

Duke u ndalur tek akuzat e qeverisë lidhur me përdorimin e “të fortëve” në fushata elektorale, Ylli u shpreh se akuzat e opozitës janë thjeshtë politike, ndërsa vlerësoi figurën e deputetit Rrahman Rraja, ndërsa tha: “Rrahman Rraja është një nga burrat më të mirë dhe më të zot të të gjithë qarkut të Krujës. Dhe për këtë arsye kryeministri e ka afruar Rrahman Rrajën, se është një burrë me emër dhe është i njohur që ka drejtuar me ndershmëri, ka qenë edhe kryetar komune.
A keni parë ndonjë skandal gjatë drejtimit të tij. Rrahman Rrajën së bashku me vëllazërit e tij i njeh e gjithë Fushë-Kruja. Së bashku me vëllezërit janë bizenesmenë të ndershëm”.

Ndërsa u ndal tek deklarata e Rexhep Rrajës e bërë ndaj Bashës, se ky i fundit do ta shihte në fushatë, Ylli e justifikoi duke thënë se e ka pasur në kuptimin se do të humbë zgjedhjet.

“Unë nuk e dëgjova parlamet, nëse ka thënë do ta shikoni në zgjedhje do që t’i tregojë zotit Basha se ju do të humbni zgjedhjet në këtë zonë. Kjo është çështje politike sepse Nikla, Laçi kanë qenë zona të djathta dhe tani kur nuk fiton dalin këto”, – tha deputeti socialist.

Ndërsa u ndal tek mediat, ai u shpreh se ka shumë shpifje me të cilat sot po merren, ndërsa tha se asnjë prej medieve nuk është me qeverinë, përveç ERTV.

“Asnjë media nuk është me qeverinë. Qeveria ka një medie që është ERTV, dhe bën punën e vet. Sot asnjë medie nuk është me qeverinë as RTSH. Këtë e them me përgjegjësi, kjo sepse sot mediet janë të lira. Sot shpifja është futur në çdo hallkë.

CNN është media, ku çdo informacion e konfirmojnë nga disa mënyra.

Mediat tona merren me “Xhisielën” e cila e pranoi vetë se kishte shkume të dashurin e vet. Ajo e kishte bërë gjithçka nga xhelozia”, – tha Ylli.

(B.B/ Faxweb.al)