Kryetari i Kuvendit, Ilir Meta, theksoi se prej ditës së nesërme, kur ai do të jetë tërhequr zyrtarisht nga drejtimi i Lëvizjes Socialist për Integrim, do jetë i gatshëm të takohet me kryetarin e Partisë Demokratike, Lulzim Basha.
Ai theksoi se këto përpjekje do të bëhen për të forcuar bashkëpunimin dhe ndihmuar në zgjidhjen e krizës politike.
Duke shprehur gatishmërinë për t’u takuar në çdo moment me kryedemokratin, Ilir Meta bëri me dije se do të zhvillojë takime edhe me presidentin Nishani, ish-presidentët dhe prokurorë me eksperiencë.
“Për mua është e rëndësishme dhe e domosdoshme që opozita të jetë e pranishme më 24 korrik apo në ceremonitë e tjera. Por meqë opozita nuk do të marrë pjesë në zgjedhje… e rëndësishme është që opozita të marrë pjesë në zgjedhje. Unë do të bëj çdo gjë, do përpiqem të bashkëpunoj me çdo faktor tjetër, do përpiqem nga nesër të takohem me kryetarin e Partisë Demokrarike, Lulzim Bashën në çdo moment, do përpiqem të forcoj marrëdhënien me Nishanin, me prokurorë me eksperiencë, me ish-kryetarë të kuvendit.”
(XH.A/SHUPLAKA)
Discussion about this post