Autoritetet njoftojnë se vrasësi i futbollistit Daniel Correa është babai i një prej shoqeve të viktimës e cila e kishte ftuar këtë të fundit në party-n e ditëlindjes së saj.
Policia ka mundur të zbardhë të gjithë ngjarjen pasi disa foto-mesazheve në watssap që futbollisti Correa ua kishte nisur disa miqve të tij me mbishkrimin: Po ha nënën e vajzës. Sipas burimeve policore, në foto futbollisti shihej në disa skena seksuale me gruan.
Këto mesazhe, bëjnë të ditur burimet vendore policore, ranë në duart e bashkëshortit të gruas i cili me sa duket nuk e ka kapërdirë tradhtinë.
Zbulimi i këtyre mesazheve edhe nga ana e Policisë i ka drejtuar hetimet drejt zbulimit të autorit të ngjarjes i cili është babai i shoqes së Correas në ditëlindjen e së cilës futbollisti ishte i ftuar.
Autoritetet njoftojnë se babai i shoqes së futbollistit e ka kryer vrasjen në bashkëpunim me tre persona të tjerë.
Ngjarja
Correa ishte i ftuar në ditëlindjen e shoqes së tij, dhe pikërisht atë natë ka bërë edhe fotot të cilat ua ka nisur miqve. Ne foto ai shfaqet duke fjetur me mamanë e shoqes së tij ndërkohë që edhe i ati ndodhej në shtëpi. Futbollisti i ka shoqëruar fotot me këtë mesazh:
“Unë mund të fle këtu, ka disa gra që flenë të shpërndara nëpër shtëpi, ndërsa unë do të ha nënën e shoqes së ditëlindjes… edhe babai i saj është këtu”.
Lojtari i njohur Daniel Correa u gjet i masakruar, i shpërfytyruar dhe me organe gjenitale të prera.
Policia kishte shoqëruar në komisariat katër të dyshuar për këtë ngjarje makabër. Sipas raportimeve të fundit mësohet se është pikërisht babai i shoqes së fotbollistit ai që e ka vrarë dhe masakruar.
Nërkaq, pas këtyre fotove ai ka rezultuar i zhdukur deri në momentin kur trupi i tij u gjet i masakruar në pyll disa ditë pas ngjarjes.
Policia braziliane ka shpallur nën hetim katër autorët e ngjarjes dhe mori nën mbrojtje dëshmitaren, duke i ruajtur anonimatin.
Katër autorët e nisën krimin në banesën e futbollistit dhe më pas e përfunduan atë në pyll.
