E ftuar në televizioni FaxNews, pasditen e sotme ka qënë Valbona Mezini, kadidate për kryebashkiake në Bashkinë e Vlorës.
Mezini foli ditën e sotme për ecurinë e Bindjes Demokratike, kandidatët e kësaj partie në bashkitë e vendit por dhe synimin e partisë për progresin e saj.
E pyetur nga gazetarja se si janë bërë përzgjedhjet e kandidatëve në Bashki, Mezini u shpreh:
Ka qënë e vështirë për Bindjen Demokratike sepse kishim një fluks të madh interesash për të kryesuar radhët e Partisë Bindja Demokratike. Unë mendoj se kjo parti do të jetë një alternativë shumë e mirë në këto zgjedhje lokale.
Valbona Mezini është shprehur gjithashtu se interesimi i qytetarëve për tu anëtarësuar ka qënë shumë i lartë.
“Në mënyrë të surprizuar interesi ka qënë i lartë, dhe janë flukes të të gjitha grupmoshave, kanë qënë shumë të rinjë dhe shumë femra dhe gra.”
Kandidatja për Bashkinë e Vlorës është shprehur për regjistrimi i partisë në limitet e kohës pranë KQZ-ës nuk u ka sjellë asnjë vështirësi në përgatitje të programit apo dhe përzgjedhjen e kandidatëve. Ndërkohë që ka folur dhe për pikat e forta të kandidatëve në këtë parti.
“Ne jemi perpjekur që ti mbyllim gjërat më shpejt, por ka qënë një kohë krejtësisht e mjaftueshme për çdo qytet që ka qënë në garë.
Mes nesh ka pedagog, femra ka shumë mes radhëve. Më pëlqejnë profilet sepse jo vetëm që i kam parë por dhe i njoh personalisht.
Tiranësit duhet ta kenë për nderë të votojnë kandidatin për Bashki nga Bindja Demokratike, Arben Skenderi.”
Sa i përketë mos marrjes pjesë në zgjedhje të Patozit Mezini tha:
Patozit do ti duhet të mbajë peshën më të madhe gjatë zgjedhjeve por dhe monitorimit të këtij procesi, duke mbajtur marrëdhënie me të gjitha palët e interesit. Kuptohet që gara e Bindjes Demokratike është e kundër nga Partia Socialiste dhe e gjithë kjo kërkon përgjegjësi për alternimin e punës në të gjitha qytet, kjo ka qënë dhe arsyeja pse Patozi nuk ka marrë pjesë në zgjedhjet në lokale.
Valbona Mezini ka vijuar më tej duke u shprehur se nga kanë nisur shkëndijat e para të Bindjes Demokratike.
“ Unë do thosha në Vlorë. Ne vlonjatët kemi pas dhe një farë spunto për të krijuar një parti e të drejtës, por kjo nuk bënë që qytetet e tjera të kenë më pak ndikim. Ndërkohë që në Vlorë është dhe konkurrenca më e fortë me fenomenin Rama, sepse investimet janë bërë më tepër në qender duke harruar kështu gjithë zonat për rreth.
Shqiptarët janë lodhur shumë nga e gjithë kjo mënyrë qeverisjeje dhe politikë që shohin çdo ditë. Shpesh herë kam qënë në dilemë për të vendosur se ku do të qëndrojë. Dhe kam vendosur të jetoi këtu për të bërë një të ardhme më të mirë për familjen, fëmijët, apo dhe për qytetin tim.
Unë po shkoj në Vlorë jo për të fituar Valbona por për të fituar Vlora. Mbështetësit do të jenë alternative më e mirë për të gjithë ndaj dhe Bindja i kushton shumë vëmendje gjithë këto gjëra.”
Sa i përketë pretendimeve që ka Bindja Demokratike, Valbona Mezini është shprehur:
Beteja më e madhe do të jetë më Tiranë Kavajë Durrës, por nga Vlora do të kthehemi me rezultat spektakolar. Bindja ka punuar në bazë dhe ka kohë që do të vendoset, por unë po flas për bashkitë e mëdha ku lufta do të jetë dhemb për dhemb.
Valbona Mezini, kandidatja për Bashkinë e Vlorës është shprehur se femrat e Bindjes Demokratike janë shumë më të vendosura se sa burrat në këtë parti.
“Femra më shumë se asnjëherë tjetër është e pamundur të merret me politikë për shumë arsye. Ndërkohë që do ta shikojmë se sa të vendosura janë femrat në Bindjen Demokratike, të cilat sipas mendimit tim janë më të vendosura dhe më me vlerë se sa burrat.”
Discussion about this post