Ish-deputetja e LSI, Kejdi Mehmetaj komentoi paketën anti-shpifje të propozuar nga qeveria. Në një intervistë për “FaxNews”, ajo deklaroi se nëse ky projektligj miratohet, atëherë në vend do të instalohet diktatura dhe do të shkatërrohet demokracia.
“Nëse kishte ngelur diçka ende pa u atakuar, kjo ishte forma e drejtpërdrejtë që Rama po sulmon mediat. Ka një instiicuon që duhet të gjykojë mbi raportet nëse janë shkelur. Ky institcuon është vetëm gjykata. Me ligjet aktuale ne mund ta bëjmë diçka të tillë. Ai që thotë gënjeshtrën dhe bën deklarata që nuk qëndrojnë, mban pasoja në gjykatë.
Kryeministri vendos të heq dorë ehde nga gjykata, një vend me diktaturë nuk ka gjykata. Ai nuk ka nevojë për asnjë institucion sepse ai jep orientime për gjithcka në këtë vend. Vetëm në Korenë e Veriut mund të aplikohen të tilla standardesh me mediat. Ky është një instalim i diktaturës i pastër. Liria e medias, liria e të shprehurit është një nga liritë themelore të demokracisë. Kur ti e vret këtë liri, do të thotë se edhe ajo pak demokraci po shkatërrohet. Kryeministri e ka gjetur momentin fiks, e ka përllogaritur. Njerëzit janë të traumatizuar nga tërmeti.
Duke parë situatën e rëndë të njerëzve, ku duket se vëmendja është atje, shkon kryeministri dhe bën atë që është e pabërë. Situata ku po jetojmë është shumë e vështirë, po kalojmë një periudhë krize. Mediat do të jenë si televizione të paguara të shteti, edhe pse nuk paguhen nga shteti. Do të kemi një ERTV të dytë, çdo media online do të vijë si televizioni i Ramës”, tha Kejdi Mehmetaj.
Ajo kërkoi nga ndërkombëtarët që të vihen në lëvizje dhe të mos e lejojnë qeverinë që ta miratojë këtë paketë. “Ne jemi në krah të kujtdo që reagon për këtë situatë. Ajo që ne kemi bërë gjithë kohën ka qenë një kontakt i vazdhueshëm me partnerët”, deklaroi Kejdi Mehmetaj.
(M. I./ Faxweb.al)
Discussion about this post