“Do të ketë bum shitjesh”, Karabinierët bien në gjurmë dhe arrestojnë trafikantët shqiptarë të kokainës

Policia italiane ka arrestuar 3 shqiptarë në Vittoria të Italisë, ndërsa 2 të tjerë janë shpallur në kërkim pasi akuzohen për trafik kokainë. Në pranga kanë përfunduar shtetasit:

Ismet Totraku, 32 vjeç,

Dashnor Tosku, 30 vjeç dhe

Elis Rustami, 28 vjeç

Këta shtetas hiqeshin si punëtorë të thjeshtë, por në fakt ishin pjesë e një bande kriminale.

Në përgjimet telefonike shqiptarët dëgjoheshin të flisnin për domatet që duheshin prerë dhe që një kuti duhej shitur 5 mijë euro.

Për t’u maskuar ata punonin në sera domatesh dhe lëviznin me makina të mëdha. Në njërën prej përgjimeve trafikantët shpreheshin se me ardhjen e pranverës do kishte një bum shitjesh, duke nënkuptuar jo domatet, por kokainën.