Kreu i Lëvizjes Vetëvendosje, Albin Kurti po zhvillon një tubim në Tiranë në kuadër të fushatës për zgjedhjet e parakohshme të 6 tetorit në Kosovë.
“Pranvera shqiptare fillon nga Kosova”, është quajtur nisma e Qendrës së Vetëvendosjes në Tiranë. Në një intervistë për Fax News, Kurti deklaroi se kjo pranverë ka qenë mëse e nevojshme se kurrë.
“Pranvera Shqiptare fillon nga Kosova, sepse kishim një dimër të gjatë, me shumë vjet, dhe pranvera ka qenë më e nevojshme se kurrë, dhe do jetë midis vjeshte sepse me 6 tetor fiton Vetëvendosja dhe do të zvogëlojë pushtetin dhe do të rrisë shtetin.”– u shpreh Kurti.
I pyetur nëse do të ketë një koalicion me LDK-në, Kurti u shpreh se lëvizja VV do fitojë e vetme.
“Po të ishim bashkë do të fitonim bashkë, meqë nuk na u bashkua do të fitojmë veças. Duhet të shihet se kush fiton aty. Do të ketë ndryshim tektonike në Kosovë, nëse Vetëvendosja del e para, fillon trasnferimi i vërtetë dhe jo reforma të rrejshme.”
I pyetur për taksën ndaj mallrave serbe, Kurti deklaroi se duhet të aplikohet një resiproritet, tregëtar, ekonomik dhe politik.
“Taksa ne do ta zëvendësojmë me reciproritet të plotë tregtar ekonomik dhe politik. Reciproriteti është kriteri i shëndoshë marrëdhënieve normale bilaterale.– u shpreh Kurti.
(M.Q/Faxweb.al)
