Gjykata e krimeve të rënda ka dhënë arret me burg për Ergys Fasllinë, I dyshuar se do të kryente sulme terroriste në vendin tonë. Kjo vepër u parandalua nga shërbimet e sigurisë në vendin tonë pak përpara ndeshjes mes Shqipërisë dhe Izraelit.
Fasllia dyshohet se qëndronte në krye të një celule terroriste prej katër anëtarësh.
Kujtojmë se për ndeshjen mes Shqipërië dhe Izraelit janë marrë masa sigurie të jashtëzakonshme, ku në momentin e fundit është ndryshuar edhe stadiumi ku do të luhej ndeshja.
Vetë Fasllia nuk i ka pranuar akuzat, ndërkohë që familjarët do të shpreheshin të habitur me lajmin e arrestimit të tij.
”Djali im nuk ka pasur lidhje dhe as nuk ka folur për ISIS. Kur ka ardhur policia për ta marrë ai ka qenë në shtëpi në gjumë me gruan dhe fëmijët. Ka qenë ora 10 e darkës. Ai nuk ka asnjë lidhje. Ka shkuar në punë dhe në xhami. Djali ka dy shkolla të larta, biokimi dhe infermieri. Ka punuar berber sepse nuk kemi mundur të gjejmë vende pune. Nuk kemi të ardhura. E ka ndihmuar babai dhe vjehrra për të paguar qeranë”, shprehej e ëma e të dyshuarit pak ditë pas arrestimit. (E.K/SHUPLAKA)
