Sali Berisha nga foltorja me demokratët e Tropojës ka zbuluar se do të merren masa në Kuvendin e 11 dhjetorit që do të shndërrojnë sipas tij PD-në shtëpinë e lirisë.
Ish-kryeministri hodhi akuza të rënda për atë të cilën ai e quan shoqata “Basha-Bardhi”.
“Rama ka themeluar shoqatën Basha-Bardhi më 18 dhjetor duke mbajtur peng Lulzim Bashin për të cilin nuk ka përgjegjësi asnjë demokrat. Është vetë ai që ka rënë brenda me dy këpucët e tij, qoftë në dosjet Toyota Yaris dhe dosjen Muzinë. I ka gënyer të gjithë demokratët për të dy dosjet, përfshirë edhe Sali Berishën. Tani peng Basha është koha të japësh dorëheqjen dhe të gjithë drejtuesit e pazgjedhur të PD nëse kanë sadopak nderim dhe vlerësim për këtë parti, nëse kanë vlerësimin më minimal për parimet duhet të pranojnë që nuk janë zgjedhur nga vota e këshillit kombëtar dhe duhet të kërkojnë rivotim me votë të veshehtë kandidaturat sic i përcakton statuti, përndryshe kuvendi i PD më 11 dhjetor do të marrë të gjitha masat që ju dëshironi për të shndërruar partinë në shtëpinë e lirisë”, tha Berisha.
