“Do të riparojmë godinën”, pasi “bën shtatzënë” nxënësen, reagon Besa Shahini: Drejtorja po bën një punë të mirë, do të marrim masa me opozitën jashtëparlamentare

Ministraja e Arsimit Besa Shahini ka reaguar sërish në rrjetet sociale në lidhje me helmimin e nxënësve në Fier.

Shahini shkruan se është dakordësuar me Kryetarin e Bashkisë Fier për të ndërhyrë edhe në godinën e vjetër të shkollës së mesme “Janaq Kilica”, që ta sjellim në gjendjen e godinës së re, pra në gjendjen të cilën meriton shkolla qendrore e Fierit.

Më tej ministrja thekson se “nuk do të lejojmë që ngjarje të manipuluara politikisht për të shkaktuar kaos të dëmtojnë punën e mirë që bëhet në atë shkollë prej shumë e shumë vitesh. Kemi shtuar oficerët e sigurisë dhe prezencën e psikologut në shkollë, në mënyrë që të mbështesim drejtoren e cila po bën një punë të mirë në organizimin e shkollës.”

Po ashtu Shahini cilëcon si fajtor opozitën jashtëparlamentare ku shkruan se “Ankesat për ndërhyrje politike në shkollë po i hulumtojmë me kujdes dhe do të marrim masa që të sigurohemi se tensionet politike të stisura nga opozita jashtë-parlamentare mos të ndikojnë punën e rëndësishme shkollore.”