“Do të të ndjek këmba këmbës”, Kryemadhi tregon provën që duhet të kalojë Prokuroria

Kryetarja e Lëvizjes Socialiste për Integrim, Monika Kryemadhi, e ftuar në emisionin “Opinion” ka sqaruar padinë e bërë në Prokurori ndaj Kryeministrit Edi Rama nga gryetarët e dy grupeve parlamentare, konkretisht atij të LSI dhe PD.

Sipas saj: “Prokuroria e Shqipërisë sot është një institucion nën Kryeministrinë, është një degëzim i Kryeministrisë, duke pasur parasysh zgjedhjen e Prokurorit të Përgjithshëm. Thelbi i padisë është se një kryeministër kërcënon një ish-punonjës të policisë. Nuk e ka quajtur mashtrues, por i ka thënë do të të ndjek këmba këmbës. Pra gjuha e tij është e njëjta me atë të Rexhep Rrajës”.

Më tej ajo shtoi se, “Kemi një Kryeministër, që kur një vajzë përdhunohet del e kërcënon punonjësin e policisë”.

“Nëse prokuroria do të hapë hetim nda Edi Ramës, atëherë do ta besoj Reformën në Drejtësi, nëse nuk hap s’ka çfarë të besohet”, – tha Kryemadhi, duke nënkuptuar se kjo është prova që ajo duhet të kalojë.

(B.B/ Faxweb.al)