Pas lajmit të publikuar në media sot, se lahuta është vlerësuar sipas UNESCO-s, si një vegël e muzikës tradicionale serbe e jo shqiptare, e si e tillë ajo është bërë pjesë e listës së trashëgimisë së UNESCO-s, ka reaguar edhe avokati i njohur Alzin Goxhaj.
Ma anë të një postimi në rrjetet sociale, ai shprehet nuk e ka marrë serbi me mashtrime lahutën por ajo është shitur 100.000 euro.”, – shkruan Goxhaj, ndërsa paralajmëron duke thënë “Do tmerroheni!”.
Ende nuk dihet nëse avokati ka ndonjë fakt për deklaratë, e cila nëse do të rezultonte e vërtetë do të ishte shumë e rëndë.
Kujtojmë se edhe pse këndimi me lahutë ka gjurmë të forta në historinë e disa prej trevave të Shqipërisë, tanimë do të njihet në të gjithë botën si vlerë kulturore e Beogradit.
Përhapja gjeografike e Lahutës në vendin tonë përkon me vetë përhapjen e këngëve të kreshnikëve. Gjurmët e saj i shohim në Krujë, në Veriperëndim, pastaj Malësi e madhe, Hoti e Gruda, Kelmendi, Kastrati, Rranxat e Shkodrës, Dukagjin, Postrribë, Shllak, Nikaj-Merturi dhe në zonat e Malësisë së Gjakovës. Gjithësesi, nga sot një vend tjetër do të krenohet me të duke e quajtur si pasuri kombëtare.
(B.B/ Faxweb.al)
