Kreu i Kuvendit Ilir Meta, i ftuar në emisionin “Arena” të Dritan Hilës ka komentuar deklaratën e deputetes Monika Kryemadhi, njëkohësisht bashkëshortja e tij, se LSI mund të bëjë 40 deputetë në zgjedhjet e 18 qershorit.
“Është e parëndësishme fare sa deputetë do marrë LSI. Situata në terren padiskutim që është mjaft positive për LSI-në, por kjo s’është e rëndësishme sa merr LSI, e rëndësishme është që Shqipëria të shkojë e qetë në zgjedhje, do ishte arritja më e madhe.”, është shprehur Meta.
Rreth një javë më parë, e ftuar në “Vila 24” deputetja Kryemadhi ka deklaruar se LSI do t’i kalojë numrin e 40 deputetëve.
“E para një herë uroj të mos shtyhen zgjedhjet se për mendimin tim nëse s’do hyjë opozita në zgjedhje s’je më demokraci pastaj. Se është si puna e asaj që po më kërcënove unë nga inati s’e bëj. Gjërat duhet të jenë parimore, principale, se në 2008, bëmë grevë urie, ja ku janë sot, PD, më parë PS, se nuk janë budallenj.
Ju keni 19 deputetë sot?
Ne kemi 20, por unë mendoj që do ti kalojmë 40.
Do dilni forcë e parë?
Pse jo, s’është çështja tek kryeministri, ti mund të jesh kryeministër, por mund të bëhesh edhe njeriu më i urryer.
Vlen për zotin Rama kjo?
Vlen për çdo kryeministër që varfëron njerëzit e vet, bën politika klienteliste… (D.D/Shuplaka)
Discussion about this post