Doda: PDIU vagon më vete. Protestat duhet të kishin nisur, reforma nuk u bë që Ulsiu dhe Rama të zgjidhnin njerëzit e drejtësisë

Sekretarja e Përgjithshme e PDIU-së, Mesila Doda, e ftuar në ‘Fax News’, ka deklaruar se PDIU nuk ështtë shtojcë e aëskujt por vagon më vete. Ajo tha se protestat e opozitës duhet të kishin nisur me kohë, duke shtuar se opozitën e shikon akoma si të dobët.

Doda foli edhe për marrëdhëniet me Greqinë dhe u shpreh se Rama nuk u kushton rëndësi çështjeve kombëtare. Duke folur për varrezat e ushtarëve grekë, Doda tha se diçka e tillë nuk duhej lejuar pa u bërë dhe varrezat e çamëve të vrarë.

“PDIU parti që lidhet me çështjet e problemeve kombëtare. Rama flet me nderim për pushtuesit. Çështja e çamëve po sfumohet e harrohet.

Ne kemi thënë që nuk mund të ketë varreza tjera nëse s’ka për varrezat e çamëve të vrarë”, tha ajo.

Sekretarja e Përgjithshme e PDIU-së, Doda, tha gjithashtu se Shqipëria nuk është gati për në BE, por theksoi se realiteti i vendit nuk ndryshohet duke ikur Rama dhe duke ardhur Basha, ndërsa aksionet e opozitës i quajti kaotike.

“Nuk është një qeveri reale dhe shqiptarët po e ndjejnë. Kemi një opozitë që thuhet se është në organizim, por aksionet e saj janë kaotike. Realitet e këtij vendi nuk ndryshohet duke ikur Rama e duke ardhur Basha”, tha ajo.

E pyetur në lidhje me heqjen e mandatit të deputetit të PDIU-së Aqif Rakipi, Doda tha se nuk dihen arsyet, por duhet pritur vendimi i gjykatës.

Mesila Doda foli edhe për çështjen e zgjedhjes së Kryeprokurores Arta Marku, dhe tha se zgjedhja e saj duhej të bëhej ashtu siç kishin rënë dakord të gjithë, dhe jo në mënyrën si u zgjodh. Sipas saj reforma në drejtësi ishte tepër e nevojshme dhe ajo e kishte mbështetur, por jo që njerzit e drejtësisë ti zgjidhte Rama.

“Janë hilet e zakonshme të politikës, nuk e them për zonjën Marku, por ka një cështje formale në mes, kemi votuar ndryshimin e kushtetutes, respekto atë që kemi rënë dakord bashkë, nuk është normale që të gjenden mjete ekstra ligjore për ta zgjedhur. Ajo që ka ndodhur në prlament, është fundi i një demokracie, që deputeti të dhunohet. Opozitën e shoh në pozita shumë të dobëta dhe të përgjumët.

Nuk është dicka që ne e ndryshuam drejtësinë që Ulsiu dhe Rama të zgjidhnin njerëzit e drejtësinë, reforma në drejtësi nuk u bë për këtë”, tha Doda. (B.H/Faxweb)