Pak ditë pas emërimit si drejtues i burgut në Vlorë, Egon Velaj është dënuar nga Gjykata e Shkallës së parë (Vlorë) me 6 muaj burg.
Në një seancë gjyqësore të zhvilluar ditën e djeshme, Velaj ka marrë dënimin me 6 muaj burg, dhe 2 vite që të mos ushtrojë detyra publike. Dënimi i Velajt do të kryhet me kusht dhe ai nuk do të vuajë asnjë ditë heqjen e lirisë.
Trupi gjykues me prokuror Anton Pali, gjyqtare Atalanta Zeqiraj, kanë dënuar Velajn me akuzën e shpërdorimit të detyrës gjatë kohës kur Velaj ka ushtruar detyrën e drejtorit të Aluiznit.
Që prej emërimit të tij në krye të Burgjeve në Vlorë, Velaj është denoncuar gjerësisht, por kjo nuk e ka vënë në lëvizje aspak ministren Etilda Gjonaj për të reflektuar.
(E.K/Faxweb.al)
