Presidenti Ilir Meta nuk ka vonuar të dekretojë Arben Ahmetajn si ministër Shteti për Rindërtimin. Dekreti i presidentit është botuar në faqen zyrtare.
Ahmetaj u propozua nga kryeministri Edi Rama ditën e sotme, ndërsa brenda pak sekondave zëdhënësi i presidentit, Tedi Blushi u shpreh dakord me këtë propozim.
Më herët, mes Metës dhe Ramës ka patur përplasje për dekretimin e ministrave. Kujtojmë që presidenti e ktheu një herë mbrapsht kandidaturën e Sandër Lleshajt, ndërsa për kandidaturën e Gent Cakajt u bë pengesë që ky i fundit të mos emërohej ministër i Jashtëm.
Këtë herë, duket se tërmeti i qetësoi ujërat mes Ramës dhe Metës sepse Arben Ahmetaj u dekretua si ministër pa asnjë debat e pa asnjë pengesë.
Discussion about this post