Ministria e Brendshme ka shpallur fituese të një tenderi për mirëmbajtjen e lulishtes tek Qendra Spitalore Universitare ‘Nënë Tereza’ në shumën 5 milionë lekë kompaninë ‘Kajmaku SHPK’ ndërsa ish-kryebashkiaku i Vorës është në arrati prej 3 muajsh.
Pavarësisht se Agim Kajmaku ndodhet në arrati për shkak se kërkohet nga drejtësia për falsifikim dokumentash dhe mashtrim në formular, bizneset e tij mund të marrin pjesë në tendera shumëmilionëshe madje edhe të shpallen fituese.
Në dokumentet e siguruara nga Faxweb.al, konstatohet se gara zhvillohet për të marrë tenderimin e mirëmbajtjes së hapësirave të gjelbërta në ambjentet e Qendrës Spitalore Universitare “Nënë Tereza”.
Tenderi është hapur me datë 30.12.2019 dhe fituesi i tij është shpallur biznesi “Kajmaku SHPK’.
“Shërbim i mirëmbajtjes së sipërfaqeve të gjelbërta, për Qendrën Spitalore Universitare “Nënë Tereza” me fond limit të marrëveshjes kuadër 5.774,844 lekë pa TVSH dhe me afat kohor për ekzekutimin: Duke filluar nga data e lidhjes së kontratës/kontratave sipas kërkesës së Autoritetit Kontraktor, brenda afatit 12 muaj të lidhjes së Marrëveshjes Kuadër”, shkruhet në formolarin e njoftimit të operatorëve ekonomikë të suksesshmëm në marrëveshjen Kuadër në varësi të Ministrisë së Brendshme.
Ndërkohë, tenderi i shpallur me datë 30.12.2019 është firmosur nga Sekretari i Përgjithshëm i Ministrisë së Brendshme, Plarent Ndreca, fituesi i tij është shpallur 21 ditë më vonë, pikërisht më 20 Janar dhe fituesi i tij ‘Kajmaku SHPK’ më datë 20.01.2020, mes 5 aplikantëve të tjerë me shumën 5.006,625 lekë pa TVSH.
Gjithashtu duhet thënë se tenderi i është dhënë ‘Kajmaku SHPK’ në 30 dhjetor, në kohën kur kompania ishte në duart e gruas së ish-kryebashkiakut të Vorës, Merita Kajmakut.
Agim Kajmaku i kaloi shumicën e aksioneve të shoqes në 17 korrik në momentin që mori dhe mandatin për të qenë i zgjedhur lokal në krye të bashkisë Vorë.
(F.GJ/FAXWEB.AL)
Discussion about this post