Ditën e djeshme një e nga një përpara Komisionit të Ligjeve me praninë vetëm të deputetëve të mazhorancës, 7 kandidatë për kryeprokurorë paraqitën ofertat e tyre. Po ajo që të bie në sy përveç përgjigjeve deri diku të çala është edhe pasuria që ata deklarojnë.
Artur Selmani i Prokurorisë së Përgjithshme në vitin 2004 do të deklaronte një pagë vjetore prej 1. 4 milion lekësh. Ndonëse për këtë prokuror nuk ka shumë të dhëna veç një kredie të marrë me një afat 25 vjeçar ajo që të bie në sy është se Selmani ka fituar një lloto sportive në vitin 2007, shkruan ‘’Sosneës”.
Sipas deklarimit të depozituar në ILDKPI Selmani ka fituar jo pak por plot 4 mijë dollarë në një kompani bastesh. Por nuk përfundon me kaq. Në vitin 2008 Selmanit i ka ecur sërish fati dhe fiton një tjetër skedinë prej 2 mijë dollarësh.
Sërish në vitin 2009 skedina fituese në lloto i sjell atij 4 mijë dollarë të tjera. Pra në një hark kohor prej 3 vitesh prokurori thotë se ka fituar shumën 10 mijë dollarë në baste sportive. Mesa duket edhe nga deklarimet Selmani është një ekspert i vërtetë i futbollit.
(E.K/FAXWEB)
Discussion about this post