Partia Socialiste ka zyrtarizuar koalicionin për zgjedhjet lokale që janë parashikuar që të mbahen në 30 Qershor. Në koalicionin e Ramës do të jenë pjesë 21 parti politike, mes tyre dhe të përhershmit Skënder Gjinushi dhe Paskal Milo.
Koalicioni i kryesuar nga Partia Socialiste do të quhet ndryshe dhe Aleanca për Shqipërinë Europiane (ASE).
Partitë anëtare të koalicionit angazhohen që të bashkëpunojnë në çdo nivel politik për maksimalizimin e rezultatit zgjedhor.
Po ashtu aleatët e këtij koalicioni autorizojnë kryeministrin Edi Rama që të zgjerojë edhe më shumë koalicionin për të arritur një rezultat sa më të madh në zgjedhje.
Nga ana tjetër PS zotohet që të ruajë votat e aleantëve dhe në komisionet e numerimit të votave, duke qenë se nuk mund të kenë përfaqësues.
