E kush do ta besonte se gruaja e ish-diktatorit shqiptar Enver Hoxha që sundoi Shqipërinë nën komunizëm është regjistruar në rininë e saj në Partinë Fashiste.
Me sa duket Nexhmije Hoxha, e cila jeton ende sot, nuk ka qenë përherë komuniste por ka qenë anëtare e Partisë Fashiste. Historiani Kastriot Dervishi ka sjellë dokumentin e rrallë që është bërë objekt debati mes historianësh e figurash politike. Për një fakt bien të gjithë dakord: dokumenti është i vërtetë.
Po një fakt edhe më i rëndësishëm është se këtë dokument ish-diktatori Hoxha e ka ruajtur me shumë kujdes që të mos përhapej.
‘’Meqë tani jemi në prag të 29 nëntorit “të lavdishëm”, për të gjithë antifashistët e vërtetë apo falsë, po postoj për njohje e ndërgjegjësim dokumentin e regjistrimit në Partinë Fashiste të zonjushës Nexhmije Xhuglinit. Ky dokument është i datës 10.11.1941. Dokumentin e kam publikuar në librin tim “Historia e lëvizjes komuniste në vitet 1924-1944 dhe formimi i PKSH-së”.
Dokumenti në fjalë si dhe disa të tjera rreth saj, ruheshin nga Enver Hoxha.’’, rrëfen Dervishi.
