Doli e pastër nga Vetingu, Bajrat nuk e lënë rehat gjyqtaren Olldashi, zbulohet lëvizja e tyre

4 anëtarë të grupit Bajri kanë kallëzuar penalisht gjyqtaren e Krimeve të Rënda Iliriana Olldashi.

Ata e akuzojnë gjyqtaren për shpërdorim detyre, pasi ende nuk ka zbardhur një vendim ndaj tyre, për ti lënë në burg, pavarësisht se ka kaluar afati prej tre javësh.

4 anëtarët që kanë firmosur kallëzimin janë: Safet Bajri, Ilir Bajri, Ismet Idirizi dhe Asmer Bilali.

Njëlloj siç janë shprehur në seancën gjyqësore, edhe në kallëzim grupi shkodranë pretendon se po mbahet në burg pa arsye.

“Po mundohen të na mbajnë me çdo kusht në burg”, shprehen Bajrat në një pjesë të kallëzimit të tyre.

“Bajri” kërkon që të apeloj vendimin e Shkallës së Parë, por ky vendim nuk është zbardhur dhe nuk ka kaluar në sekretari të Krimeve të Rënda. Për këtë arsye është ndërmarrë edhe kallëzimi për Olldashin.

Olldashi u përball pak ditë më parë me procesin e Vetingut nga ku doli e pastër, dhe me një pasuri tejet modeste.

(E.K/Faxweb.al)