Disa detaje të reja kanë dalë në dritë nga vrasja makabre e ndodhur në Zelandën e Re, ku babai i 3 fëmijëve, Rhys Hancock vrau me thikë ish-bashkëshorten e tij dhe të dashurin e saj për shkak të xhelozisë në natën e parë të vitit të ri.
Ditën e sotme 39-vjeçari ka dalë para gjykatës, ku janë dëgjuar edhe dëshmi sesi ka ndodhur ngjarja. Nëna e tij tregoi se 39-vjeçari doli i tërbuar nga shtëpia me dy thika me vete. Në këtë moment ajo ka telefonuar policinë sepse kishte frikë se do të ndodhte një krim.
Po ashtu, sipas dëshmive në gjykatë, Hancock u fut në dhomën e çiftit i tërbuar nga xhelozia dhe u shkaktoi plagë të shumta me thikë ish-bashkëshortes dhe të dashurit të ri pasi mësoi për marrëdhënien e tyre.
Menjëherë pas telefonatës së nënës së 39-vjeçarit, policia u nis për në shtëpinë e ish-bashkëshortes së Hanckok, ku gjeti të pajetë të dashurin e saj, Martin Griffiths, 48 vjeç. Ndërsa vetë Helen Almey, 39 vjeç, ishte në gjendje të rëndë, por pas 15 minutash ndërroi jetë.
(M. I./ Faxweb.al)
