”Asnjë nuk është mbi ligjin! Në gjuhën shqip e ju thoni ”peshku i madh e ha të voglin”, për një herë të vetme në Shqipëri le të hamë peshkun e madh! Faleminderi”, dha mesazhin sot ambasadori Lu.
”Nëse ne do vendos gatishmërinë dhe besueshmërinë tonë, ne presim rezultate. Çfarë presim? Presim që ky plan agresiv i qeverisë së Shqipërisë të përfundojë me arrestimin e disa peshqve të mëdhenj në fillim të vitit të ardhshëm”, theksoi Lu në takimin për prezantimin e planit të ri ”Forca e Ligjit” që do të zbatohet nga Task Forca Speciale.
Por nga ajo që u vu re, është fakti se Donald Lu nuk përmendi emra të rinj të politikanëve vënë së fundmi në mes të skandaleve, si Saimir Tahiri. Ai zgjodhi të qëndrojë te Arben Ndoka (ish-deputeti socialist), Mark Frroku (ish-deputeti kristian-demokrat që mbështeti Ramën), Gentian Muhameti (kandidati që PD zgjodhi mos ta fuste në garë për Bashkinë e Këlcyrës) dhe Elvis Rroshi (ish-kryebashkiaku socialist i Kavajës).
”Ajo që dimë gjithashtu është që Shqipëria ka një problem mes krimit të organizuar dhe politikës. Nëse e mohoni këtë ju lutem të shqyrtoni rastet e Arben Ndokës, Mark Frrokut, Gentian Muhametit dhe Elvis Rroshit.
Ky nuk është problem i vetëm një partie, ky është një problemi që ka pllakosur politikën shqiptare që nga rënia e komunizmit.”, tha më tej ai.
”Ndihma jonë për prokurorinë dhe policinë do të mbështetet duke zhvilluar e institucione të reja në lidhje me krim e organizuar si SPAK dhe BKH.
Po flasim me vepra dhe jo me fjalë ne në Amerikë kemi edhe një shprehje tjetër: ”Dreka falas nuk e ekziston!”
Së fundi ju keni një shprehje në gjuhën shqipe: ”Dielli duket që në mëngjes!” Më pëlqen që ky plan e pranon se krimi është problem serioz, dhe pranon që organet e drejtësisë shqiptare kanë dështuar.”, tha mes të tjerash ambasadori amerikan.
(V.G/FAXWEB)
Donald Lu duke hipur në makinë
Edi Rama dhe Elvis Rroshi
Edi Rama dhe Arben Ndoka
Edi Rama dhe Mark Frroku
Discussion about this post