Paraditen e sotme ka pasur një takim mes ish-kryeministrit Sali Berisha dhe ambasadorit amerikan Donald Lu.
Sipas zyrës së Berishës në takim u diskutua për një spektër të gjerë çështjesh me interes të dyanshëm.
Ky takim i tyre vjen në një kohë kur në drejtim të PD-së janë hedhur akuza për lobimin rus. Vetë ambasadori amerikan ka preferuar që të qëndrojë i heshtur në lidhje me këto zëra.
Pak ditë më parë ambasadori Lu zhvilloi një takim dhe me kreun e PD-së Lulzim Basha, ku u tha se u diskutua çështja e Reformës në Drejtësi.
Nga ana tjetër ditët e fundit ka pasur një sërë çështjesh të tjera të aktualitetit si arrestimet për pronat, apo nisja e Vetingut në Drejtësi.
(E.K/FAXWEB)
