Rrjeti i famshëm i ushqimeve të shpejta në Shtetet e Bashkuara të Amerikës, McDonald’s, ka rënë pre e hakimit, Kështu kanë deklaruar burime të brendshme të këtij rrjeti pas fyerjes publike drejtuar Presidentit të SHBA-ve në “Twitter”.
Mesazhi ku ishte taguar adresa reale e Donald Trump, ku shkruhej “Ju jeni një President i pështirë dhe do të donim që të kemi sërish Barack Obamën”, u fshi menjëherë pak pasi ishte publikuar. Në të shkruhej gjithashtu se Trump ka “duar të vogla”.
LLogaria në “Twitter” e McDonald’s ka mjaft ndjekës për shkak të vëmendjes së madhe që ky rrjeti i ushqimeve të shpejta gëzon. “Nga hetimi ynë, ka rezultuar se llogaria jonë në “Twitter” ishte hakuar nga një burim i jashtëm.”, është shprehur zëdhënësja e McDonalds.
Në fakt, incidenti u shënua një ditë pas lajmit të disa profileve të hakuara në “Twitter” prej të cilave ishin dërguar mesazhe anti-naziste në gjuhën turke. Deri tani nuk ka pasur një reagim të presidentit Trump. Sipas një zyrtari të Inteligjencës “për sa kohë që Trump nuk u kthen përgjigje direkte në “Twitter” mund të jetë shkatërruese për ta.”
(XH.A/SHUPLAKA)
Discussion about this post