Presidenti i SHBA-ve, Donald Trump, i sapoardhur në detyrë, duket se ka nisur një luftë të ashpër me mediat sapo është vendosur në postin e presidentit të Shteteve të Bashkuara të Amerikës.
Ai ka reaguar së fundmi duke përgënjeshtruar ato media që kanë shkruar se ai nuk arriti të mblidhte një turmë të madhe njerëzish në ceremoninë e inaugurimit të tij, më 20 janar.
“Unë pata një turmë të madhe njerëzish, ju e dini. Kur u ngrita këtë mëngjes, lexova se unë kisha dështuar në mbledhjen e shumë njerëzve. Thashë “Një minutë. Unë mbajtja një fjalim. Unë e pashë. Ishte plot, dukej se ishin mbledhur rreth një milion, një milion e gjysmë njerëz.
Ato kishin shkruar se unë arrita të mblidhja vetëm 250.000 njerëz. Kjo nuk është diçka e keqe, por është gënjeshtër. Dhe ato do të paguajnë një çmim të madh për këtë.”, u shpreh ndër të tjera presidenti Trump, i cili vuri në dukje se gjatë fjalimit të tij edhe shiu pushoi. (XH.A/SHUPLAKA)
