Gjatë fushatës, Donald Trump deklaroi se nuk e kishte takuar apo folur kurrë me Presidentin e Rusisë, Vladimir Putin. Por, një regjistrim i publikuar së fundmi tregon se presidenti i ri amerikan ka pranuar në tetor të vitit 2015 me gojën e tij se e ka takuar Putinin.
Kjo kasetë e publikuar nga një grupi politik kundërshtar me Trump, mund të nxisë pikëpyetje të tjera mbi të kaluarën e Presidentit të ri amerikan dhe marrëdhënien e tij me Putin.
Regjistrimi u publikua vetëm pak orë pasi Putin nga Moska i cilësoi më të “këqij se prostitutat” ata që qëndrojnë pas “dosjes sekrete” të Trump.
Në këtë kasetë audio, Trump bisedon me drejtuesin e radios Michael Savage, ku thotë se është e jashtëzakonshme që Putin po godet vërtetë ISIS në Siri.
Dialogu:
Savage: E keni takuar ndonjëherë Putinin?
Trump: Po
Savage: Ashtu?
Trump: Po shumë kohë më parë. Kaluam shumë mirë meqë ra fjala.
Savage: Nëse zgjidhesh president, mendon se mund të negociosh me Vladimirin?
Trump: Po sigurisht, kam organizuar konkursin e Miss Universe dy vite më parë në Moskë.
Si Trump ashtu edhe Putin i kanë mohuar akuzat e hedhura muajt e fundit. (A.R/SHUPLAKA)
Discussion about this post