Pas sulmit pranë Parlamentit britanik në Londër, presidenti i SHBA-ve Donald Trump telefonon kryeministren britanike Theresa May.
Trump i ka ofruar mbështetjen e tij kryeministres britanike, dhe i ka premtuar se do bashkëpunojë për të vendosur agresorët përpara drejtësisë. Të paktën kështu thuhet në njoftimin zyrtar të Shtëpisë së Bardhë.
“Presidenti Donald Trump zhvilloi sot një bisedë telefonike me Theresa May, ku i ofroi ngushëllime për sulmin terrorist në Londër. Trump premtoi bashkëpunim dhe mbështetje të qeverisë së SHBA-së për vendosjen para përgjegjësisë të autorëve të sulmit”, shkruhet në njoftim.
Në sulmin që ndodhi pak orë më parë në Londër ndërruan jetë katër persona dhe mbetën të plagosur 20 të tjerë.
Ishte një person i vetëm i dyshuar si terrorist, ai që kreu gjithë këtë masakër. Me një makinë Hyndai, azilanti aziatik i moshës 40-vjeçare përplasi me dhjetëra persona, dy prej të cilëve ndërruan jetë. Më pas tentoi të futej në godinën e Parlamentit, ku sulmoi me thikë një efektiv policie, i cili gjithashtu ndërroi jetë. Pas kësaj forcat e sigurisë së Parlamentit, e qëlluan për vdekje agresorin. (D.D/Shuplaka)
