Ditën e nesërme Tiranën e viziton Presidenti i Këshillit Evropian, Donald Tusk.
Tusk do të pritet nesër në 15:00 nga kryeministri Edi Rama, ndërsa nuk ka një takim në axhendë me presidentin Meta. Mësohet gjithashtu se zyrtari i lartë europian do të qëndrojë për pak orë në Tiranë, ndërsa pjesë e axhendës janë takimet me aktorët politikë kryesor në vend.
Vizita e kreut të KE në Tiranë vjen vetëm një muaj para vendimit të Këshillit Evropian për çeljen ose jo të negociatave të Shqipërisë me Bashkimin Evropian.
Përpara se të mbërrijë në vendin tonë, Donald Tusk do të vizitojë edhe Maqedoninë e Veriut, ku pritet të zhvillojë takime me krerët e politikës fqinje në Shkup, mes tyre presidentin Pendarovski dhe dhe kryeministrin Zaev.
Në 18 tetor, Shqipëria dhe Maqedonia e Veriut presin përgjigje përfundimtare nga Europa e Bashkuar për negociatat me BE-në.
Discussion about this post