Takimi romantik i Borës dhe Donaldit në spektaklin “Big Brother VIP” të premten në mbrëmje ishte një moment emocionues per dyshen por edhe per publikun.
Momentet e bisedës me njëri-tjetrin dhe sidomos të puthjes së buzë janë shpërndarë kudo nga fansat në rrjetet sociale.
Këtë të hënë, në nisje të “Për’puthen”, moderatorja tha se përjetoi emocione shumë të forta në ato çaste.
“Në atë dalje në Big Brother, u përcollën shumë emocione të forta dashurie, ku këto ndjenja nuk janë të rëndësishme vetëm për partnerin, por edhe për shoqen e ngushtë. Jam pa fjalë tërësisht“.
E pyetur nga opinionisti Arjan Konomi nëse ky ishte një ribashkim mes çiftit, Bora u përgjigj: “Nuk e di as vetë o Arjan se çfarë ndodhi. Deri diku e prisja që do të ngacmohesha, por deri në atë nuk e prisja kurrë që do shkonte”.
Bora hyri në shtëpinë më të famshme në Shqipëri për të takuar shoqen e saj të ngushtë Semin, por nuk mund të largohej pa takuar dhe Donaldin. Mes puthjesh, trëndafilash e përqafimesh, ata u çmallën me njëri-tjetrin në dhomën e surprizave.
(E.H/Faxweb.al)
Discussion about this post