Monika Kryemadhi ka rrëfyer për emisionin ‘’Thumb’’ në Top Channel për jetesën dhe dashurinë që ka ditur t’i rezistojë kohës me Metën, humbjen në peshë, ekperiencat personale dhe profesionale. Sipas saj ka qenë puna ajo që e ka mbajtur gjallë pasionin dhe dashurinë mes të dyve.
Ajo ka treguar edhe për vështirësitë që ka ndjerë për të rënë në peshë. 
“Bëra një dietë spitalore dhe eliminova brumërat. Gjatë kohës që Iliri u dobësua unë u dyfishova. Shkuam në një rast ngushëllimi dhe unë isha veshur me të zeza për t’u dukur më e dobët. Gjithmonë më merrnin në telefon dhe më thoshin ke dalë shumë mirë sot. Ndërkohë që atë ditë më thanë e tmerrshme je bërë më e gjerë se Ilir Meta. Më dhimbte shpirti u bëra shumë keq dhe fillova menjëherë dietën”, ka treguar ajo.
Ajo, po ashtu, ka rrëfyer për jetën e saj profesionale dhe personale. Monika ka treguar se ka 22 vjet martuar me Metën dhe se romancën e pasionin midis tyre e mban gjallë puna.
“Ne gjithmonë kemi punuar bashkë dhe kemi kaluar shumë sfida së bashku, puna, vështirësitë, sfidat na kanë bërë ne më të fortë dhe më të lidhur me njëri-tjetrin. Kjo është ndër arsyet që pasioni midis nesh ekziston ende”, ka rrëfyer deputetja.
Discussion about this post