Trupa Gjykuese e KPA ka hedhur poshtë kërkesën e ish-drejtueses së Prokurorisë së Krímeve të Rènda, Donika Prela dhe seanca do të vazhdojë me anëtaret Ina Rama dhe Natasha Mulaj. Në fillim të seancës, Prela pretendoi se ka konflikte interesi, ndaj kërkoi përjashtimin e tyre.
Trupa gjykuese u konsultua për një orë dhe vendosi që këto kërkesa të ndiqen nga dy trupa të tjera gjykuese, të cilat do të vendosin në lidhje me kërkesat. Megjithatë, kjo nuk pengon vijimësinë e procesit të gjykimit.
Gjykimi për zonjën Prela do të vijojë bashkë me Natasha Mulajn dhe Ina Ramën, deri në momentin që trupat e tjera gjykuese të vendosin në lidhje me kërkesat. Nëse deri në periudhën kur të jepet vendimi për Prelën, nuk është caktuar për rrëzimin ose jo të përjashtimit të dy anëtarëve të trupit gjykues, atëherë në vendimin përfundimtar nuk do të kenë te drejtë vendimi as Ina Rama e as Natasha Mulaj.
Pas vendimit, Institucioni i Komisionerit Publik mori fjalën duke kërkuar që Prela të sqarojë të gjithë pasuritë e saj dhe denòncimet që kanë ardhur ndaj saj në lidhje me pastërtinë e figurës. Ish-drejtuesja e Prokurorisë së Krímeve të Rènda, Prela deklaron se ka dy pasuri të paluajtshme, apartament banimi dhe një tokë arë në Tiranë, dy automjete dhe llogari bankare. IKP kërkon hetim për apartamentin e banimit, për llogarinë bankare e më gjerë.
