3 ditë pasi në Kosovë janë “ndezur” gjakrat mes qeverisë kosovare dhe Listës serbe, pas arrestimit të drejtorit të zyrës për Kosovën, Marko Gjuriç, ende nuk ka asnjë prononcim nga Tirana zyrtare.
Kryeministri Edi Rama, që nuk ka munguar me reagime në raste tensionesh edhe më të ulëta, kësaj here ka zgjedhur të heshtë.
Ishte Rama ai që hodhi pak muaj më parë idenë e një Presidenti të përbashkët Shqipëri-Kosovë.
As ministri i Jashtëm, Ditmir Bushati, nuk ka bërë asnjë reagim.
Vlen të përmendet që ditët e fundit, biznese të shumta kosovare, por edhe opozita në Shqipëri kundërshtojnë me forcë vendosjen e taksës për kalimin në Rrugën e Kombit.
Rama reagoi vetëm duke thënë se taksa nuk është 10 euro, por 5 duke ngjallur reagime të shumta.
Mbetet për t’u parë qëndrimi i Kryeministrit shqiptar, që e ka përdorur në jo pak raste “nacionalizmin” në diskurin e tij politik.
(F.G/Faxweb.al)
Discussion about this post